ലോകചാമ്പ്യന്മാരായ അർജന്റീനയുടെ വരാനിരിക്കുന്ന ലോകകപ്പ് പദ്ധതികളിൽ നിന്ന് യുവതാരം അലക്സാണ്ട്രോ ഗർനാച്ചോ പുറത്തായേക്കുമെന്ന് റിപ്പോർട്ടുകൾ (Alejandro Garnacho Argentina World Cup Snub).
ആഫ്രിക്കൻ രാജ്യങ്ങളായ മൗറിട്ടാനിയ, സാംബിയ എന്നിവർക്കെതിരെയുള്ള സൗഹൃദ മത്സരങ്ങൾക്കായി പരിശീലകൻ ലയണൽ സ്കലോണി പ്രഖ്യാപിച്ച ടീമിൽ ഗർനാച്ചോ ഇടംപിടിക്കാത്തതാണ് ഈ ചർച്ചകൾക്ക് വഴിതുറന്നത്.
RELATED READS: 3800 കോടി; യുവതാരത്തിനായി ബ്രഹ്മാണ്ഡ ഓഫറുമായി പിഎസ്ജി; ഉറ്റുനോക്കി ഫുട്ബോൾ ലോകം
എനിക്ക് റയലിലേക്ക് തിരിച്ച് പോകണം; ആഗ്രഹം പ്രകടിപ്പിച്ച് പിഎസ്ജി താരം
ചെൽസിയിലെ മോശം ഫോമും ടീമിലെ കടുത്ത മത്സരവുമാണ് താരത്തിന് തിരിച്ചടിയാകുന്നത്.
മാഞ്ചസ്റ്റർ യുണൈറ്റഡിൽ നിന്ന് ലണ്ടൻ ക്ലബ്ബായ ചെൽസിയിലേക്ക് മാറിയതിന് ശേഷം ഗർനാച്ചോയ്ക്ക് പ്രതീക്ഷിച്ച പ്രകടനം പുറത്തെടുക്കാൻ സാധിക്കുന്നില്ല എന്നതാണ് യാഥാർത്ഥ്യം.
ഈ സീസണിൽ ബ്ലൂസിനായി 36 മത്സരങ്ങളിൽ നിന്ന് ഏഴ് ഗോളുകളും നാല് അസിസ്റ്റുകളും താരം നേടിയിട്ടുണ്ടെങ്കിലും, ഭൂരിഭാഗം മത്സരങ്ങളിലും പകരക്കാരനായിട്ടാണ് അദ്ദേഹം ഇറങ്ങുന്നത്.
ശരാശരി 50 മിനിറ്റ് മാത്രം കളിക്കളത്തിൽ ചിലവഴിക്കുന്ന ഗർനാച്ചോയുടെ പ്രകടനത്തിൽ പരിശീലകൻ ലയണൽ സ്കലോണി തൃപ്തനല്ല.
ഗ്യാസ്റ്റൺ എഡുൾ ഉൾപ്പെടെയുള്ള പ്രമുഖ അർജന്റീനിയൻ കായിക മാധ്യമപ്രവർത്തകരുടെ റിപ്പോർട്ടുകൾ പ്രകാരം വരാനിരിക്കുന്ന ഫിഫ ലോകകപ്പിനുള്ള ടീമിലും ഗർനാച്ചോ ഉണ്ടാകാൻ സാധ്യത കുറവാണ്.
ഗർനാച്ചോയെ ഒഴിവാക്കിയ സ്കലോണി, താരതമ്യേന പ്രശസ്തി കുറഞ്ഞ ക്ലബ്ബുകളിൽ കളിക്കുന്നവർക്ക് ടീമിൽ അവസരം നൽകിയിട്ടുണ്ട്.
കോമോയിലെ നിക്കോ പാസ്, ബെൻഫിക്കയുടെ ജിയാൻലൂക്ക പ്രെസ്റ്റിയാനി, പാൽമിറാസിന്റെ ജോസ് ലോപ്പസ് തുടങ്ങിയവർ ടീമിലെത്തിയത് ഇതിന് ഉദാഹരണമാണ്. ഈ താരങ്ങളെല്ലാം തങ്ങളുടെ ക്ലബ്ബുകൾക്കായി സ്ഥിരമായി കളിക്കുന്നവരും മികച്ച ഫോമിലുള്ളവരുമാണ്.
കൂടാതെ പരിക്കേറ്റ് പുറത്തിരിക്കുന്ന ലൗട്ടാരോ മാർട്ടിനസ്, ജിയോവാനി ലോ സെൽസോ എന്നിവരും റയൽ മാഡ്രിഡിന്റെ യുവതാരം ഫ്രാങ്കോ മസ്താൻറ്റുവോണോയും തിരിച്ചെത്തുന്നതോടെ ഗർനാച്ചോയുടെ സാധ്യതകൾ ഇനിയും മങ്ങും.
ഒരു കളിക്കാരന്റെ കരിയറിലെ തെറ്റായ തീരുമാനങ്ങൾ എങ്ങനെ അദ്ദേഹത്തിന്റെ ഭാവി ബാധിക്കുമെന്നതിന്റെ ഉദാഹരണമായി ഗർനാച്ചോയുടെ ഈ സാഹചര്യം മാറുകയാണ്. വരും മാസങ്ങളിൽ ക്ലബ്ബ് ഫുട്ബോളിൽ മികച്ച പ്രകടനം നടത്തി ടീമിലേക്ക് തിരിച്ചെത്താൻ താരത്തിന് സാധിക്കുമോ എന്നാണ് ആരാധകർ ഉറ്റുനോക്കുന്നത്.
ALSO READ: അടുത്ത സീസണിലെ പരിശീലകനാര്? റയലിന്റെ പട്ടികയിൽ 6 സൂപ്പർ പരിശീലകർ…
content: Alejandro Garnacho Argentina World Cup Snub
Discover more from
Subscribe to get the latest posts sent to your email.