ലോകകപ്പിനായുള്ള 11 അംഗ സ്‌ക്വാഡിനെ പ്രഖ്യാപിച്ച് ബ്രസീൽ; ഞെട്ടിച്ച് ആഞ്ചലോട്ടി

2026 ഫിഫ ലോകകപ്പിന് മാസങ്ങൾ മാത്രം ബാക്കിനിൽക്കെ, ഫുട്ബോൾ ലോകത്തെ ഞെട്ടിച്ചുകൊണ്ട് ബ്രസീൽ ദേശീയ ടീമിന്റെ പരിശീലകൻ കാർലോ ആഞ്ചലോട്ടി തന്റെ സ്ക്വാഡിലെ ഉറപ്പായ 11 താരങ്ങളെ വെളിപ്പെടുത്തിയിരിക്കുകയാണ്(brazil football).

സാധാരണയായി ലോകകപ്പിന് തൊട്ടുമുമ്പുള്ള ആഴ്ചകളിൽ മാത്രം സ്ക്വാഡിനെ പ്രഖ്യാപിക്കുന്ന പതിവ് രീതിയിൽ നിന്ന് വിഭിന്നമായാണ് ഇറ്റാലിയൻ തന്ത്രജ്ഞനായ ആഞ്ചലോട്ടി പകുതിയോളം താരങ്ങളുടെ പേര് ഇതിനോടകം ഉറപ്പിച്ചു നൽകിയത്.

തന്റെ പദ്ധതിയനുസരിച്ച് ടീമിന്റെ നട്ടെല്ലായി പ്രവർത്തിക്കാൻ പോകുന്ന ഈ 11 പേർക്കും ലോകകപ്പ് ടിക്കറ്റ് ഉറപ്പാണെന്ന പ്രഖ്യാപനം മറ്റ് താരങ്ങൾക്കും വലിയൊരു സൂചനയാണ് നൽകുന്നത്. വരും ദിവസങ്ങളിൽ ബാക്കിയുള്ള സ്ഥാനങ്ങൾക്കായി ടീമിനുള്ളിൽ കടുത്ത പോരാട്ടം തന്നെ നടക്കുമെന്നുറപ്പാണ്.

ആഞ്ചലോട്ടി പുറത്തുവിട്ട പട്ടികയിൽ പ്രതിരോധത്തിലും മുന്നേറ്റത്തിലും കടുത്ത വിശ്വാസമർപ്പിക്കുന്ന താരങ്ങളാണുള്ളത്. ഗോൾകീപ്പറായി ലിവർപൂളിന്റെ വിശ്വസ്ത താരം അലിസൺ ബെക്കർ സ്ഥാനം ഉറപ്പിച്ചു. പ്രതിരോധ നിരയിൽ മാർക്വിനോസ്, ഗബ്രിയേൽ മഗൽഹീസ് എന്നിവരാണ് ആഞ്ചലോട്ടിയുടെ പട്ടികയിലുള്ളത്.

മധ്യനിരയുടെ ഭരണം നിയന്ത്രിക്കാൻ കാസിമിറോയെയും ബ്രൂണോ ഗ്വിമാരസിനെയും അദ്ദേഹം തിരഞ്ഞെടുത്തു.

അതേസമയം മുന്നേറ്റ നിരയിലാണ് ഏറ്റവും വലിയ സർപ്രൈസുകൾ അദ്ദേഹം കാത്തുവെച്ചിരിക്കുന്നത്. സൂപ്പർ താരങ്ങളായ വിനീഷ്യസ് ജൂനിയർ, റോഡ്രിഗോ, റാഫിഞ്ഞ എന്നിവർക്കൊപ്പം യുവപ്രതിഭ എസ്റ്റെവാവോയും പട്ടികയിൽ ഇടംപിടിച്ചു. കൂടാതെ മാത്യൂസ് കുൻഹ, ഗബ്രിയേൽ മാർട്ടിനെല്ലി എന്നിവരും ലോകകപ്പിനുള്ള ബ്രസീൽ സംഘത്തിൽ തങ്ങളുടെ സീറ്റ് ബുക്ക് ചെയ്തുകഴിഞ്ഞു.

Goalkeepers:
🔸 Alisson

Defenders:
🔸 Marquinhos
🔸 Gabriel Magalhães

Midfielders:
🔸 Casemiro
🔸 Bruno Guimarães

Forwards:
🔸 Vinícius Júnior
🔸 Estêvão
🔸 Raphinha
🔸 Rodrygo
🔸 Matheus Cunha
🔸 Gabriel Martinelli

 

ലോകകപ്പിൽ ഗ്രൂപ്പ് സിയിലാണ് കാനറികൾ ഇത്തവണ പൊരുതുന്നത്. മൊറോക്കോ, ഹെയ്തി, സ്കോട്ട്ലൻഡ് എന്നിവരാണ് ഈ ഗ്രൂപ്പിലെ മറ്റ് ടീമുകൾ. കരുത്തരായ മൊറോക്കോയും സ്കോട്ട്ലൻഡും ഉൾപ്പെടുന്ന ഗ്രൂപ്പിൽ ഈ വിശ്വസ്ത താരങ്ങളെ വെച്ച് തന്നെ തനിക്ക് വലിയ കാര്യങ്ങൾ ചെയ്യാനാവുമെന്ന ആത്മവിശ്വാസത്തിലാണ് ആഞ്ചലോട്ടി.

ഗ്രൂപ്പ് ഘട്ടം കടന്ന് കിരീടത്തിലേക്ക് കുതിക്കാൻ ടീമിനെ സജ്ജമാക്കുന്നതിന്റെ ഭാഗമായാണ് ഇത്ര നേരത്തെ അദ്ദേഹം തന്റെ പ്രധാന ആയുധങ്ങളെ പ്രഖ്യാപിച്ചത്. അഞ്ചു മാസങ്ങൾക്കു മുൻപേ ടീമിലെ പ്രധാനികളെ പ്രഖ്യാപിച്ചതിലൂടെ താരങ്ങൾക്ക് കൃത്യമായ ഒരു മാനസിക ഒരുക്കത്തിനുള്ള അവസരം കൂടിയാണ് അദ്ദേഹം നൽകുന്നത്.

ALSO READ: ബ്ലാസ്റ്റേഴ്സിൽ ഇനിയും കൊഴിഞ്ഞ് പോക്കോ?ഒഡീഷയുടെ കണ്ണും മഞ്ഞപ്പടയുടെ താരങ്ങളിൽ?

content: brazil football