ജർമ്മൻ താരം ഒന്നാമത്, മെസ്സിയും എംബാപ്പെയും തൊട്ട് പിന്നാലെ, റൊണാൾഡോ പിറകിൽ; ലോകകപ്പ് പവർ റാങ്കിങ് ഇങ്ങനെ

‎ലോകകപ്പിന്റെ ചരിത്രത്തിൽ ആദ്യമായി താരങ്ങളുടെ പ്രകടനം വിലയിരുത്തി ഫിഫ പവർ റാങ്കിങ് പുറത്തിറക്കിയിരിക്കുകയാണ്.  റൗണ്ട് ഓഫ് 32വിന് മുൻപ് വരെയുള്ള താരങ്ങളുടെ പ്രകടനമാണ് ഈയൊരു കണക്കിൽ ഉൾപ്പെടുത്തിയിരിക്കുന്നത്.

‎

‎ടൂർണമെന്റിൽ താരങ്ങളുടെ ഇതുവരെയുള്ള പ്രകടനം ആക്രമണം, ക്രിയേറ്റിവിറ്റി, പ്രതിരോധം എന്നീ മൂന്ന് വിഭാഗങ്ങളിലായി 0 മുതൽ 10 വരെയുള്ള സ്കോറുകൾ വിലയിരുത്തിയാണ് ഫിഫ പവർ റാങ്കിംഗ് നിശ്ചയിക്കുന്നത്.

‎

‎ഒന്നാമനായി ഡെനിസ് ഉൻഡവ്

‎

‎ജർമ്മൻ സ്ട്രൈക്കർ ഡെനിസ് ഉൻഡവാണ് ഫിഫ പവർ റാങ്കിങ്ങിൽ ഒന്നാമൻ. ജർമ്മനി ലോകകപ്പിൽ നിന്ന് പുറത്തായെങ്കിലും, ലോകമെമ്പാടുമുള്ള ഫുട്ബോൾ ആരാധകരുടെ ശ്രദ്ധ പിടിച്ചുപറ്റിയ പ്രകടനമായിരുന്നു ഉൻഡവ് കാഴ്ച്ചവെച്ചത്.

 

‎

‎29 കാരനായ വിഎഫ്ബി സ്റ്റുട്ട്ഗാർട്ട് സ്ട്രൈക്കർ അറ്റാക്കിങ്ങിൽ 8.36, ക്രിയേറ്റിവിറ്റിയിൽ 6.78, ഡിഫൻഡിംഗിൽ 4.70 എന്നിങ്ങനെയാണ് സ്കോറുകൾ നേടിയത്. ഗ്രൂപ്പ് ഘട്ടത്തിൽ താരം മൂന്ന് ഗോളുകളും രണ്ട് അസിസ്റ്റുകളും നേടിയിരുന്നു.

‎

‎തൊട്ട് പിന്നാലെ മെസ്സിയും എംബാപ്പെയും

‎

‎അർജന്റീനിയൻ ക്യാപ്റ്റൻ ലയണൽ മെസ്സിയാണ് പവർ റാങ്കിങ്ങിൽ രണ്ടാം സ്ഥാനത്തുള്ളത്. ആക്രമണത്തിൽ 8.34, ക്രിയേറ്റിവിറ്റിയിൽ 6.43, പ്രതിരോധത്തിൽ 5.14 എന്നീ സ്‌കോറുകളാണ് മെസ്സിക്ക് ലഭിച്ചത്.

 

‎

‎എട്ട് തവണ ബാലൺ ഡി ഓർ ജേതാവായ മെസ്സി ശ്രദ്ധേയമായ പ്രകടനമാണ് ലോകകപ്പിൽ കാഴ്ച്ചവെക്കുന്നത്. ഗ്രൂപ്പ് സ്റ്റേജിൽ ആറ് ഗോളുകളാണ് മെസ്സി അടിച്ചു കൂട്ടിയത്.

 

ALSO READ:-

• ഉറുഗ്വേ താരങ്ങൾക്കെതിരെ കർശന നടപടി; ചാർട്ടേഡ് വിമാനം റദ്ദാക്കി, താരങ്ങൾ പ്രതിസന്ധിയിൽ

• എക്സ്ട്രാ ടൈമിൽ രക്ഷകനായി മാർട്ടിനല്ലി; ജപ്പാനെ തോൽപ്പിച്ച് ബ്രസീൽ റൗണ്ട് ഓഫ് 16ൽ

‎

‎ഇതോടെ എല്ലാ ലോകകപ്പ് പതിപ്പുകളിലുമായി 19 ഗോളുകൾ നേടി ലോകകപ്പ് ചരിത്രത്തിലെ ഏറ്റവും കൂടുതൽ ഗോളുകൾ നേടിയ താരമായിരിക്കുകയാണ്.

‎

‎ഫ്രാൻസിന്റെ സൂപ്പർ താരം കൈലിയൻ എംബപ്പെ പവർ റാങ്കിംഗിൽ മൂന്നാം സ്ഥാനത്തും, ബ്രസീൽ വിംഗർ വിനീഷ്യസ് ജൂനിയർ നാലാം സ്ഥാനത്തുമാണുള്ളത്. ഗ്രൂപ്പ്‌ സ്റ്റേജിൽ ഇരുവരും മികച്ച പ്രകടനമാണ് കാഴ്ചവെച്ചത്.

 

‎

‎പിറകിലായി റൊണാൾഡോ

‎

‎പോർച്ചുഗീസ് ഇതിഹാസ താരം ക്രിസ്റ്റ്യാനോ റൊണാൾഡോ ഫിഫ പവർ റാങ്കിങ്ങിൽ 79ആം സ്ഥാനത്താണ്. ആക്രമണത്തിൽ 5.72, ക്രിയേറ്റിവിറ്റിയിൽ 4.98, പ്രതിരോധത്തിൽ 4.74 എന്നിങ്ങനെയാണ് റൊണാൾഡോയുടെ സ്കോർ.

 

‎

‎ഗ്രൂപ്പ്‌ സ്റ്റേജിൽ നിറം മങ്ങിയ പ്രകടനമാണ് റൊണാൾഡോയും പോർച്ചുഗീസും കാഴ്ച്ചവെച്ചത്. എന്നിരുന്നാൽ പോലും താരം ഉസ്ബെക്കിസ്ഥാനെതിരായ മത്സരത്തിൽ രണ്ട് ഗോളുകൾ നേടിയിരുന്നു.

‎

‎

Summary:- FIFA has released its first-ever World Cup Power Rankings, rating players based on their performances up to the Round of 32. The rankings evaluate players in three categories—attacking, creativity, and defending.