കൊൽക്കത്തക്ക് ഇന്ന് സൂപ്പർ സാറ്റർഡേ

ഇന്ത്യൻ സൂപ്പർ ലീഗിൽ ഇന്ന് കൊൽക്കത്തൻ ഡെർബി. ഇന്നത്തെ സൂപ്പർ പോരാട്ടത്തിൽ എ.ടി.കെ. മോഹൻ ബഗാൻ നവാഗതരായ മുഹമ്മദൻസിനെ നേരിടും. വൈകീട്ട് 7:30 ന് സാൾട്ട് ലേക്ക് സ്റ്റേഡിയത്തിൽ വെച്ചാണ് മത്സരം. നിലവിൽ മൂന്ന് മത്സരങ്ങളിൽ നിന്നായി നാല് പോയിൻ്റ് മാത്രമുള്ള ഇരു ടീമിനും ഇന്ന് ജയിച്ചാൽ ആദ്യ നാലിലേക്ക് മടങ്ങിയെത്താം.

ഇന്നത്തെ മറ്റൊരു മത്സരത്തിൽ ഈസ്റ്റ് ബംഗാൾ സീസണിലെ ആദ്യ പോയിൻ്റ് തേടി ഇറങ്ങുന്നു. വൈകീട്ട് 3:30 ന് നടക്കുന്ന മത്സരത്തിൽ ജംഷഡ്പൂർ എഫ്.സി യാണ് എതിരാളികൾ. മുഖ്യ പരിശീലകൻ കാൾസ് കൊഡ്രാട്ട് ടീം വിട്ടതോടെ മലയാളി കോച്ച് ബിനോ ജോർജിനാണ് ടീം ചുമതല. ജംഷഡ്പൂരിൻ്റെ ഹോം ഗ്രൗണ്ടായ ജെ.ആർ.ഡി കൊമ്പ്ലസിലാണ് മത്സരം.