കോപ്പ ഡെൽ റേ : നാലടിച്ച് ബാർസ

കോപ്പ ഡെൽ റേ റൗണ്ട് ഓഫ് 32 ൽ ബർബസ്‌ട്രോവിനെതിരെ എതിരില്ലാത്ത നാല് ഗോൾ വിജയം നേടി ബാർസലോണ. ഗോൾ കീപ്പർ ഷെസ്നി അരങ്ങേറിയ മത്സരത്തിൽ പരിക്കുമാറിയ പ്രതിരോധ താരം റൊണാൾഡ് അരാഹോ ആദ്യ ഇലവനിൽ മടങ്ങിയെത്തി. ബാർസക്കായി ലെവൻഡോസ്കി ഇരട്ട ഗോളുകൾ നേടിയപ്പോൾ മറ്റു രണ്ട് ഗോളുകൾ എറിക് ഗാർസിയ , പാബ്ലോ ടോറെ എന്നിവർ നേടി. മത്സരത്തിൽ പകരക്കാരനായി ഇറങ്ങി ടോണി ഫെർണാണ്ടസ് (പതിനാറ് വയസ്സ്) ബാർസക്കായി അരങ്ങേറുന്ന ഏറ്റവും പ്രായം കുറഞ്ഞ രണ്ടാമത്തെ താരമായി. ടൂർണമെൻ്റിലെ മറ്റൊരു മത്സരത്തിൽ അൽമേരിയ ഒന്നിനെതിരെ നാല് ഗോളുകൾക്ക് സേവിയ്യയെ തകർത്തു.