വിമർശകരുടെ വായടിപ്പിച്ച് റൊണാൾഡോ; ലോകക്കപ്പിൽ പുതിയ റെക്കോർഡ് നേട്ടങ്ങൾ

‎അങ്ങനെ ഒട്ടേറെ വിമർശനങ്ങൾക്കും പരിഹാസങ്ങൾക്കും മറുപടിയായി റൊണാൾഡോയും പോർച്ചുഗലും ഒരു വമ്പൻ തിരിച്ചു വരവ് നടത്തിയിരിക്കുകയാണ്.

‎

‎ചൊവ്വാഴ്ച നടന്ന വാശിയേറിയ പോരാട്ടത്തിൽ ഉസ്ബകിസ്ഥാനെ എതിരില്ലാത്ത അഞ്ച് ഗോളുകൾക്ക് പരാജയപ്പെടുത്തിയിരിക്കുകയാണ് പോർച്ചുഗൽ.

 

‎

‎നായകൻ ക്രിസ്റ്റ്യാനോ റൊണാൾഡോയുടെ ഇരട്ട ഗോൾ മികവിലാണ് പോർച്ചുഗലിന്റെ ആവേശ വിജയം. റൊണാൾഡോയ്ക്ക് പുറമെ റാഫേൽ ലിയോ, നുനോ മെൻഡസ്, ഓൺ ഗോളിലൂടെ അധുവോഹിദ് നെമാറ്റോവ് ഉസ്ബകിസ്ഥാൻ താരം എന്നിവരാണ് വല കുലുക്കിയത്.

 

 

ALSO READ:- ‎”എനിക്ക് എന്നോട് തന്നെ ദേഷ്യം തോന്നി”; പെനാൽറ്റി പാഴാക്കിയതിൽ മെസ്സി

‎

‎റൊണാൾഡോയ്ക്ക് ഹാട്രിക്ക് പൂർത്തിയാക്കാൻ ഒട്ടേറെ അവസരങ്ങൾ ലഭിച്ചിരുന്നെങ്കിലും, ലക്ഷ്യത്തിലെത്തിക്കാൻ സാധിച്ചില്ല. എന്നിരുന്നാൽ പോലും റൊണാൾഡോ ആരാധകർ വളരെയധികം സന്തോഷത്തിലാണ്.

‎

‎ചരിത്രം കുറിച്ച് റൊണാൾഡോ

‎

‎

‎ഫിഫ ലോകക്കപ്പ് ചരിത്രത്തിൽ, ആറ് വ്യത്യസ്ത ലോകക്കപ്പുകളിൽ ഗോൾ നേടുന്ന ആദ്യ താരമായിരിക്കുകയാണ് ക്രിസ്റ്റ്യാനോ റൊണാൾഡോ. താരം പങ്കെടുത്ത എല്ലാ ഫിഫ ലോകക്കപ്പ് പതിപ്പിലും റൊണാൾഡോ ഗോൾ നേടിയിരിക്കുകയാണ്.

 

‎

‎2006, 2010, 2014, 2018, 2022, 2026 ലോകക്കപ്പുകളിലാണ് റൊണാൾഡോ ഗോൾ നേടിയത്.

‎

‎അതോടൊപ്പം ലോകക്കപ്പ് ചരിത്രത്തിലെ ഏറ്റവും പ്രായം കൂടിയ രണ്ടാമത്തെ ഗോൾ നേടുന്ന കളിക്കാരൻ കൂടിയാണ് റൊണാൾഡോ (41 വർഷം, 138 ദിവസം).

 

‎

‎1994 ൽ റഷ്യയ്‌ക്കെതിരെ കാമറൂണിനായി (42 വർഷം, 39 ദിവസം) ഗോൾ നേടിയ റോജർ മില്ലയ്ക്കിന്റെ പിന്നിലാണ് റൊണാൾഡോ ഇപ്പോൾ.

 

ALSO READ:- അടിച്ച് കൂട്ടിയത് 18 ഗോളുകൾ; ലോകക്കപ്പിലെ ടോപ്പ് സ്കോറെറായി മെസ്സി

‎

‎നിലവിൽ ലോകക്കപ്പിൽ പത്ത് ഗോളുകൾ നേടിയിട്ടുണ്ട് റൊണാൾഡോ. ഇതോടെ പോർച്ചുഗലിനായി ലോകക്കപ്പിൽ ഏറ്റവും കൂടുതൽ ഗോളുകൾ നേടുന്ന താരമായിരിക്കുകയാണ് റൊണാൾഡോ.

‎

‎മത്സരം ഉടനീളം കളിച്ച റൊണാൾഡോ, 34 ടച്ചുകളും, 5 ഷോട്ട് ഓൺ ടാർഗറ്റുകളും, 13 അക്യൂറേറ്റ് പാസ്സുകളും പൂർത്തിയാക്കി. എന്നാൽ നിർഭാഗ്യവശാൽ റൊണാൾഡോയ്ക്ക് മൂന്ന് ബിഗ് ചാൻസാണ് നഷ്ടമായത്.

‎

‎എന്നിരുന്നാൽ പോലും റൊണാൾഡോയുടെ ഈയൊരു കിടിലൻ പ്രകടനത്തിൽ ആരാധകർ സന്തോഷത്തിലാണ്. താരം വരും മത്സരങ്ങളിലും ഇതേ പ്രകടനം തുടരുമെന്ന് പ്രതീക്ഷയിലാണ് ആരാധകർ..

‎

Summary:- Cristiano Ronaldo has made FIFA World Cup history by becoming the first player ever to score in six different World Cup tournaments. In addition, Ronaldo has become the second-oldest goalscorer in World Cup history, scoring at the age of 41 years and 138 days.