ഫിഫ ലോകകപ്പ് മത്സരത്തിൽ പരിക്കേറ്റ നെയ്മർ ദേശീയ ഫുട്ബോൾ ടീമിന്റെ ആദ്യത്തെ “വർക്ക് ഫ്രം ഹോം” കളിക്കാരനായി മാറിയെന്ന് പരിഹസിച്ചുകൊണ്ട് ബ്രസീൽ പ്രസിഡന്റ് ലൂയിസ് ഇനാസിയോ ലുല ഡ സിൽവ.
ബ്രസീലിലെ മിനാസ് ഗെറൈസ് സംസ്ഥാനത്തിന്റെ തലസ്ഥാനമായ ബെലോ ഹൊറിസോണ്ടെയിൽ നടന്ന ഒരു പരിപാടിയിൽ രാജ്യത്തെ പൊതുജനാരോഗ്യ സംവിധാനത്തിനായുള്ള നിക്ഷേപങ്ങൾ പ്രഖ്യാപിക്കുന്നതിനിടെയാണ് ലുല ഈ പരാമർശം നടത്തിയത്.
പ്രേക്ഷകരുമായുള്ള ആശയവിനിമയത്തിനിടെ, ബ്രസീൽ ടീമിലെ ഏറ്റവും മികച്ച കളിക്കാരൻ ആരെയാണെന്ന് പ്രസിഡന്റ് ഒരു കുട്ടിയോട് ചോദിച്ചു. കുട്ടി മറുപടിയായി നെയ്മറെന്ന് പറഞ്ഞു.
മറുപടി കേട്ട ലുല ചിരിച്ചു, “നെയ്മർ കളിക്കുന്നില്ലല്ലോ മോനേ. ലോകത്തിലെ ആദ്യത്തെ ‘വർക്ക് ഫ്രം ഹോം’ ദേശീയ ടീം കളിക്കാരനാണ് നെയ്മർ. വർക്ക് ഫ്രം ഹോം പ്ലെയർ.” പ്രസിഡന്റ് പറഞ്ഞു.
ഓൺലൈനിൽ കണ്ട ഒരു സന്ദേശത്തിൽ നിന്നാണ് തനിക്ക് “ഹോം-ഓഫീസ് ഫുട്ബോൾ കളിക്കാരൻ” എന്ന പരാമർശം ലഭിച്ചതെന്ന് ലുല സമ്മതിച്ചു.
നെയ്മർ ഇനി എന്ന് തിരിച്ചുവരും?
മാസങ്ങളോളം നിരവധി പരിക്കുകൾ അനുഭവിച്ചിട്ടും ബ്രസീൽ പരിശീലകൻ ആഞ്ചലോട്ടി നെയ്മറിന് ലോകക്കപ്പ് ടീമിലേക്ക് ഇടം നൽക്കുകയായിരുന്നു.
എന്നാൽ പരിക്ക് മൂലം മൊറോക്കോയ്ക്കെതിരായ ബ്രസീലിന്റെ മത്സരത്തിൽ അദ്ദേഹത്തിന് കളിക്കാൻ സാധിച്ചില്ല. അതോടൊപ്പം വെള്ളിയാഴ്ച ഹെയ്തിക്കെതിരായ മത്സരത്തിനായി ടീമിനൊപ്പം ഫിലാഡൽഫിയയിലേക്ക് യാത്ര ചെയ്തിട്ടില്ല.
”സ്വന്തം രോഗശാന്തി പ്രക്രിയയുടെ അവസാന ഘട്ടം വിലയിരുത്താൻ നെയ്മർ ന്യൂജേഴ്സിയിൽ തന്നെ തുടരും,” എന്നാണ് ബ്രസീലിയൻ ഫുട്ബോൾ കോൺഫെഡറേഷൻ (സിബിഎഫ്) നെയ്മറിനെ കുറിച്ച് ഒരു പ്രസ്താവനയിൽ പറഞ്ഞത്.
ALSO READ:- എലോയ് റൂം നിസാരക്കാരനല്ല; നേരിട്ട 29 ഷോട്ടുകളിൽ 15 സേവുകൾ, ചരിത്രം കുറിച്ച് കുറസാവോ ഗോളികീപ്പർ
ബ്രസീലിയൻ ടീമിലേക്ക് വിളി വന്നതിന് ശേഷം ബുധനാഴ്ച്ച ആദ്യമായി നെയ്മർ ടീമിനൊപ്പം പരിശീലനം നടത്തിയിരുന്നു.
മെയ് 17നാണ് മുൻ ബാഴ്സലോണ, പിഎസ്ജി ഫോർവേഡ് താരത്തിന് പരിക്കേറ്റത്. അതായത് ആഞ്ചലോട്ടി നെയ്മറിനെ ലോകകപ്പ് ടീമിൽ ഉൾപ്പെടുത്തുന്നതിന് തൊട്ടുമുമ്പ്.
എന്തിരുന്നാലും നിലവിൽ നെയ്മർ പരിക്കിൽ നിന്ന് മുക്തനായിട്ടുണ്ടെന്നാണ് റിപ്പോർട്ടുകൾ വരുന്നത്. അതോടൊപ്പം താരം ബ്രസീലിന്റെ സ്കോട്ട്ലാൻഡിനെതിരെയുള്ള അവസാന ഗ്രൂപ്പ് ഘട്ട മത്സരത്തിൽ കളിച്ചേക്കുമെന്നും അഭ്യൂഹങ്ങളുണ്ട്.
ബ്രസീലിന്റെ അടുത്ത മത്സരം എന്ന്?
ലോകക്കപ്പ് ഗ്രൂപ്പ് സ്റ്റേജിലെ അവസാന മത്സരത്തിൽ ബ്രസീൽ ജൂൺ 25ന് സ്കോട്ട്ലാൻഡിനെ നേരിടും. ഇന്ത്യൻ സമയം പുലർച്ചെ 3:30ക്കാണ് കിക്ക്ഓഫ്.
മത്സരം തത്സമയം Zee5 പ്ലാറ്റ്ഫോമിലും ആപ്പിലും ലഭ്യമാണ്. എന്നാൽ സബ്സ്ക്രിപ്ഷൻ ആവശ്യമാണ്. പക്ഷെ ടീവിയിൽ തത്സമയ സംപ്രേക്ഷണം Unite8 സ്പോർട്സ് 1, Unite8 സ്പോർട്സ് 1 HD, Unite8 സ്പോർട്സ് 2, Unite8 സ്പോർട്സ് 2 HD ചാനലുകളിൽ ലഭ്യമാകും.
Summary:- Brazilian President Luiz Inácio Lula da Silva jokingly referred to injured star footballer Neymar as the national team’s first-ever “work-from-home player” during a public event in Belo Horizonte, Brazil.
Discover more from Footy Times
Subscribe to get the latest posts sent to your email.
