കേപ്പ് വെർഡെ ക്യാപ്റ്റനെതിരെ ബലാത്സംഗം പരാതി; അന്വേഷണ ആരംഭിച്ച് ന്യൂസിലാൻഡ് പോലീസ്

‎ലോകകപ്പിൽ ആദ്യമായി കേപ്പ് വെർഡെയെ റൗണ്ട് ഓഫ് 32ലേക്ക് യോഗ്യത നേടി കൊടുത്തതിന് പിന്നാലെ, കേപ്പ് വെർഡെ ക്യാപ്റ്റൻ റയാൻ മെൻഡസിനെതിരെ ബലാത്സംഗം പരാതി. ബ്രസീലിയൻ യുവതിയാണ് ന്യൂസിലാൻഡ് പോലീസിന് പരാതി നൽകിയത്.

‎

‎ചിലി, ന്യൂസിലാൻഡ് രാജ്യങ്ങളുമായുള്ള സൗഹൃദ മത്സരത്തിനായി കേപ്പ് വെർഡെ ന്യൂസിലാൻഡിൽ എത്തിയപ്പോഴായിരുന്നു സംഭവം. ടീമിന്റെ ആശയവിനിമയം സുഖകരമാക്കാൻ ട്രാൻസ്‌ലേറ്ററായി ടീമിൽ ജോലി ചെയ്തിരുന്ന ഒരു സ്ത്രീയാണ് പരാതി നൽകിയത്.

‎

‎മാർച്ച്‌ 27ന് ഓക്ക്‌ലൻഡിലെ തന്റെ ഹോട്ടൽ മുറിയിൽ റയാൻ മെൻഡസ് കയറി ശാരീരികമായും ലൈംഗികമായും പീഡിപ്പിച്ചുവെന്നാണ് പരാതിയിൽ ആരോപിച്ചത്.

 

 

ALSO READ:-

• ഗ്രൂപ്പ്‌ സ്റ്റേജിൽ എല്ലാ മത്സരവും ജയിച്ചത് വെറും മൂന്ന് ടീമുകൾ മാത്രം; വമ്പൻ പ്രകടനവുമായി മെക്സിക്കോയും

• ഉറുഗ്വേ താരങ്ങൾക്കെതിരെ കർശന നടപടി; ചാർട്ടേഡ് വിമാനം റദ്ദാക്കി, താരങ്ങൾ പ്രതിസന്ധിയിൽ

• പത്തിൽ ഒമ്പത് രാജ്യങ്ങൾക്കും യോഗ്യത; ലോകകപ്പിൽ ചരിത്രം തിരുത്താൻ ആഫ്രിക്കൻ ടീമുകൾ

‎

‎ഇതിന് പിന്നാലെ യുവതി കേപ്പ് വെർഡെ ഫുട്‌ബോൾ ബോർഡിലെ കുറഞ്ഞത് മൂന്ന് ഉദ്യോഗസ്ഥരെയെങ്കിലും സംഭവം അറിയിച്ചതായി പരാതിയിൽ പറയുന്നു. എന്നിരുന്നാലും, അവരിൽ ആരും ഇതുവരെ പ്രതികരിച്ചിട്ടില്ല.

‎

‎മാർച്ച് 27 ന് ചിലിക്കെതിരായ മത്സരത്തിന് ശേഷം ഹോട്ടൽ മുറിയിൽ മീറ്റിംഗിന് ക്ഷണിക്കുകയായിരുന്നു യുവതിയെ. എന്നിരുന്നൽ അത് ഒരു ഔദ്യോഗിക മീറ്റിംഗിനേക്കാൾ ഒരു സാമൂഹിക ഒത്തുചേരലാണെന്ന് വ്യക്തമായപ്പോൾ യുവതി തന്റെ മുറിയിലേക്ക് മടങ്ങാൻ തീരുമാനിക്കുകയായിരുന്നു.

 

‎

‎അപ്പോഴാണ് മെൻഡസ് യുവതിയെ പിന്തുടരാൻ തീരുമാനിക്കുന്നത്. തുടർന്ന് മെൻഡസ് യുവതിയുടെ വാതിലിൽ മുട്ടി, മുറി തുറന്നപ്പോൾ ബലം പ്രയോഗിച്ച് അകത്തുകടന്നു എന്നാണ് ന്യൂസിലൻഡ് പോലീസിന് യുവതി നൽകിയ മൊഴിയിലുള്ളത്.

‎

‎പരാതി ഔദ്യോഗികമായി അറിയിച്ചതിന് ശേഷം സ്ത്രീയെ ലൈംഗികാതിക്രമ പരിശോധനയ്ക്ക് വിധേയയാക്കിയതായി ബ്രസീലിയൻ മാധ്യമങ്ങൾ റിപ്പോർട്ട്‌ ചെയുന്നുണ്ട്. 

 

‎

‎അതോടൊപ്പം പരാതിക്കാരിക്ക് തന്റെ പരിക്കുകളുടെ ഫോട്ടോകൾ പോലീസിന് സമർപ്പിക്കാൻ കഴിഞ്ഞിട്ടുണ്ട്. പിന്നീട് നടത്തിയ വൈദ്യപരിശോധനയിൽ യുവതിയുടെ കഴുത്ത്, ചുണ്ട് എന്നിവയിൽ നിരവധി ചതവുകളും കണ്ടെത്തിയതായി റിപ്പോർട്ടുണ്ട്.

‎

‎നിലവിൽ ഇതുവരെ റയാൻ മെൻഡസിനെതിരെ പോലീസ് നടപടികൾ എടുത്തതായി റിപ്പോർട്ടുകളില്ല. എന്തിരുന്നാലും താരം നിലവിൽ ടീമിനൊപ്പം യുഎസഎയിൽ തന്നെയാണുള്ളത്.

 

‎

‎ജൂലൈ 4ന് പുലർച്ചെ നടക്കാനിരിക്കുന്ന അർജന്റീനയ്ക്കെതിരായ നോക്ക്ഔട്ട് മത്സരത്തിൽ റയാൻ മെൻഡസിന്റെ കീഴിൽ തന്നെയായിരിക്കും കേപ്പ് വെർഡെ ഇറങ്ങുക.

Summary:-  Cape Verde captain Ryan Mendes has been accused of rape by a Brazilian woman who filed a complaint with New Zealand Police. The alleged incident reportedly took place in March while Cape Verde was in New Zealand for friendly matches.