അടിമുടി മാറ്റത്തോടെ ചാമ്പ്യൻസ് ലീഗ്

ലോകമെമ്പാടുമുള്ള ഫുട്ബോൾ ആരാധകർ ഏറെ പ്രതീക്ഷയോടും ആവേശത്തോടും കൂടി കാത്തിരിക്കുകയാണ് ഇന്ന് രാത്രി നടക്കുന്ന ചാമ്പ്യൻസ് ലീഗ് ഡ്രോ ക്കായി. യൂറോപ്പിലെ ഏറ്റവും വലിയ ക്ലബ് മത്സരമായ ചാമ്പ്യൻസ് ലീഗിന് , ഈ സീസൺ മുതൽ നിരവധി മാറ്റങ്ങലാണ് കൈവന്നിട്ടുള്ളത്.

പ്രധാന മാറ്റങ്ങൾ

– ഇത്തവണത്തെ മത്സരത്തിൽ , 36 ടീമുകളും ഒരേ പോയിന്റ് ടേബിളിൽ ആയിരിക്കും. . യൂറോപ്പിലെ മുൻനിര ക്ലബ് മത്സരത്തിനായുള്ള ഈ സീസണിൽ, 21 വർഷങ്ങൾക്ക് ശേഷം ആദ്യമായാണ് ഫോർമാറ്റ് മാറ്റം നടക്കുന്നത്. കഴിഞ്ഞ 21 സീസണുകളിലായി, 32 ടീമുകൾ യോഗ്യത നേടിയിരുന്നു. റൌണ്ട് ഓഫ് സിക്സ്റ്റീൻ കഴിഞ്ഞ ശേഷം മികച്ച രണ്ട് ടീമുകൾ പ്രീക്വാർട്ടർ ഫൈനലിലേക്ക് കടക്കുകയും, മൂന്നാം സ്ഥാനത്തുള്ളവർ UEFA കപ്പ്/യൂറോപ്പ ലീഗിലേക്ക് മാറുകയും നാലാം സ്ഥാനത്തുള്ളവർ പുറത്താകുകയും ചെയ്യുന്നു.

ഇപ്പോഴിതാ, 36 ടീമുകളാണ് നിലവിലുള്ളത്, എന്നാൽ അവയെ ഗ്രൂപ്പുകളിലായി തിരിക്കില്ല. പകരം, മറ്റു പ്രമുഖ ലീഗ് കൾ പോലെ, എല്ലാ ടീമുകളും ഒരു ടേബിളിൽ മാറ്റുരയ്ക്കും. ചാമ്പ്യൻസ് ലീഗ്

അതിന്റെ ഭാഗമായി,

• 25-ാം മുതൽ 36-ാം സ്ഥാനം വരെയുള്ള ടീമുകൾ ജനുവരിയിൽ പുറത്താകും.
• 9-ാം മുതൽ 24-ാം സ്ഥാനത്തുള്ള 16 ടീമുകൾ ഫെബ്രുവരിയിൽ നോക്ഔട്ട് ഘട്ട പ്ലേ ഓഫുകൾ കളിച്ച് റൌണ്ട് ഓഫ് സിക്സ്റ്റീനിൽ കടക്കാൻ ശ്രമിക്കും.
• മികച്ച എട്ട് ടീമുകൾ നേരിട്ട് മാർച്ചിൽ നടക്കുന്ന റൌണ്ട് ഓഫ് സിക്സ്റ്റീനിൽ എത്തും.

ഇനിമുതൽ, ചാമ്പ്യൻസ് ലീഗിൽ നിന്ന് യൂറോപ്പ ലീഗിലേക്കോ, യൂറോപ്പ ലീഗിൽ നിന്ന് UEFA കോൺഫറൻസ് ലീഗിലേക്കോ മാറാൻ കഴിയില്ല. ഒരിക്കൽ പുറത്തായവർ അതോടെ ഈ സീസണിലെ മത്സര അവസരം തീരുന്നു.

നോക്ഔട്ട്പ്ലേ -ഓഫുകൾ മുതൽ സെമിഫൈനൽ വരെയുള്ള മത്സരങ്ങൾ രണ്ട് പാദങ്ങളുള്ള ഫോർമാറ്റിൽ തുടരും, പരമ്പരാഗത ഏക പാദ ഫൈനലോടെ. എന്തായാലും ഇത്തവണ മത്സരാവേശം കനക്കും എന്നത് തീർച്ച.